College Life Shayari

College Life Shayari

wo yaaro ki mehfil, wo muskurate pal,
dil se juda hai apne, wo bitaa hua kal,
kabhie guzarti thee zindagi, waqt bitaane me,
aaj waqt guzar jaata hai oon yaado ko jutaane me,

wo mess ki bani chapatiya,
sambhar bhee lajawaab hote the,
magar hum bhee kuchh kum nahi the,
hamare bhee nakhre hazaar hote the,

wo der raat tak gappe ladana,
sareaam lecturers ki khichai karte the,
phir bhee jab dil nahi bharta tha,
to aapas me he ladaai karte the,

Bahut door tak pahuch hua karti thee hamari,
internals ko to chutkiyo me niptaate the,
externals ka bhee khauf nahi hota tha,
oose to cigarette aur bidi ke dhue me udaate the,

wo takrana paimano ka SR ke terrace pe,
shayad kabhie bhool nahi paaenge,
door nikal chale hai bahut,
isliye laut ke waapis nahi aaenge.